بسم الله الرحمن الرحيم

 

 

 

موقع قبائل بني يزناسن يرحب بزواره الكرام

أمثال بالدارجة المغربية

المعروض فنهارو, يبقى فدارو
الهضرة للسارية و المعنى للجارية

قلب الڭفة على فمها,  تشبه  امها

الله يرحم من زار و خفف
 
للي وصل بلاد غير بلادو خل الهم لولادو
الفقيه دحمان, قرا البرة سبع ايام, و قاليهم الخط عيان
 
مية تخميمة و تخميمة ولا ضربة بالفاس
 
الحر بالغمزة و العبد بالدبزة
 
ضربني و بكى, سبقني و شكى
 
إلى مشى الزين ابقاو حروفو
 
اللي دارها بيديه افكها بسنيه
 
ما يحس بالمزود غير اللي المضروب به
 
أنا نعاونو في قبر أمو وهو يهرب بالفاس.

 شوف بيتو وخطب بنتو
ما تقطع الواد حتى يبان حجارو وما تمشي في الليل حتى يطلع نهارو.

 وما تصحب صديق حتى تعرف خبارو.

 

 اللي قال ليك العرس ساهل يسقي لو غير الما
 
حتى كلب ما يهرب من دار العرس
 
مي, أجي نوريك دار خوالي
 
اللي خلى غذاتو لعشاتو, ما شفع ذاتو
 
الناس في الناس والقرع في مشيط الراس
 
إلى عطاك العاطي, ما تحرث ما تواطي حتى الجبال الطاطي
 
طاحت الصمعة, علقو الحجام
 
اللي بغى لعسل يصبر لقريص النحل
 
اللي عضو الحنش, يخاف من الحبل
 
فالمقلة و كيحنزز
 
المندبة كبيرة و الميت فار
 
الدار دار بونا, وعبيد بانا اطردونا
 
اللي قال العصيدة باردة, ادير يدو فيها
 
يبيع القرد و يضحك على اللي شراه
 
اللي بغى الزين, يصبر لتقيب لودنين
  
الشوف ما يبرد الجوف, والناقة ما ترضع الخروف
 
الحرفة الى ما غنات تستر

 اللي ما يخيط كسيواتو, ويطيب غذاتو, ويحلب شاتو عزيه فحياتو
 
الهضرة عليك أ لحادر عينيك

إلى مات الأب توسد الركبة, وإلى ماتت الأم توسد العتبة
 
إلى طلقتي المرا, ما توريها دار باها
الطلاب يطلب و مرتو تصدق

الزين بحروفو؛ ديه لمو تشوفو, القرع بفلوسو؛ أرا داك الراس نبوسو

 حماتي لالتي و بنتها مولاتي
 
كثرة عطيني ما تخلي حد يبغيني 
دخل ياكل الفريك أصبح معانا شريك.
 

 خبز الدار ياكلو البراني

اخدم يا صغري على كبري.
 
اخدم بكري ولا روح تكري. 

 دخلناهم يشربوا الرايب قالوا حقنا فالزرايب.
 
دوام الحال من المحال
 
الدنيا دراعة كل واحد كيلبسها ساعة.
 
نوصيك يا واكل الخوخ من عشرة رد بالك , في النهار.

 تظل منفوخ وبالليل تبات هالك.

 الزين, الا زين لفعال

 امدح صاحبك مع الناس, لوكان الصفيحة ترد العار, لو كانت رداتو على الحمار
   العشق المزروب, كله عيوب
 
ما كينسي البنت في امها غير همها.
 
حل عينيك قبل الزواج, أما بعدو غير غمضهوم

 اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.

 دِيرْ عِينْ شَافَتْ وَعِينْ مَا شِافْتْ
 
أش خاصك العريان الخواتم آمولاي
ما نعطيوش خيرنا لغيرنا

زواج ليلة تدبيره عام
 
كيتطلب الزيت من السفانجي. 
 
الفقيه اللي نتسناو براكته ادخل للجامع ببلغته. 

اربط احمارك مع الحمير، يتعلم الشهيق والنهيق وخرجان الطريق.

 إيلا ارخص الشعير اغلات الحمير.
 
الحمار مخبي ووذنيه برّا
 
اجيو تعلمو الحسانه في ريوس اليتامه.
 
الي دار راسوا قي النخالة ينقبوه الدجاج . 
الكلب الى ما نبح ماعند مولاه فيه ربح
 
حزموني ورزموني ولا تعولو عليا.
 
الى تقادو لكتاف يعود الكبير يخاف
 
اللي كيشطح ما كيغطيش وجهو.
كل قرد في عين مو غزال.
الرجل بالهمة أما اللحية راها حتى عند العتروس.
هبيل تزوج هبيلة وتهنات القبيلة.
الزين تيحشم على زينو والخايب الا هداه الله.
اللي يتسحر مع دراري يصبح فاطر.
لفياق بكري بالذهب مشري.

 لحوانت متصافه و الارزاق مختلفة .

 الجديد جديد و لبالي لا تفرط فيه.

 دير ما دار جارك ولا حول باب دارك.

 الدوام تيهرس الرخام.

 الخُبْز والمَا مَا تْخَلِّي عَلَى القَلْبْ غمَّه.

 دارنا ساترة عوارنا.

 السلطان بالتاج و كيحتاج.

اللي عضو الحنش كيخاف من الحبل.

 اختار الجار قبل الدار.

 اللي قال ليك قال عليك.
 
جا يكحلها عماها
 
على قد لحافك مد رجليك
 
عين بنادم مايعمرها غي التراب.

سال المجرب ماتسال الطبيب.
 
شكون يحك القرع غي ظفارو

 اللي مشى بلا عراضة يجلس بلا فراش.

 لمكسي بديال الناس عريان.

 عند رخصو تخلي نصو.
 
اللي سبقك بليلة سبقك بحيلة.
 
حجة وزيارة
 
عشاق ملال 
 
زرب تعطل 
 
بوه يشبه بوه 
 
ستة من ستين 
 
نارو على منقارو 
 
عش نهار تسمع خبار 
 
سيدي بسيادو 
 
اللي غلب يعف 
 
لاتعمل شاي لاتخاف شاي 
 
الحنة حرشة ,والماشطة عمشة .والعروس بوهزاز

مول الطاحونة ,والسانية ,ولمرا التانية حتى ليلة ما يبات هانية

قالت العودة :من نهار اللي ولدت ,ما كليت علفي وافي , ولا شربت مايا صافي.

  كيفتش على على جوا منجل , وطربوش لعجل ,وسروال الجمل .
 اطلع تاكل الكرموس , انزل شكون قالها لك .
 سير بالنية وارقد مع الحية .
 مني ومنك ينطبع , ومن واحد وحدو ينقطع. 
 سعداتك يا فاعل الخير .
 الحرة إلى صبرت دارها عمرت .
 لمعايرة في لوجه صابون , وفي الظهر طاعون .
 أنت مير وأنامير , الله يجيب اللي يصوك هذ لحمير. 
 الكرش غرارة ورباطها عقل .
 اضربني وابكا,واسبقني وشكا .
 اللي عمل راسو في النخالة ينقبو الدجاج .
 اللي غاب عليك أصلو شوف فعلو
 ايمارات الدار على بابها
 الزين في الدفلة ,والدفلة حارة .
 اخنيفيسة تونس ,خير من غزالة تهوس .
 من لاخير في لسانو لاخير فمكانو
 الي ما سمع راي كبيرو الهم تدبيرو .
 الفكوسة من الصغر كتعواج .
 كيفصل الزناقي ويخيط الدروبه .
 اربط حمارك مع لحمير , يتعلم الشهيق والنهيق وخرجان الطريق
 نهيه , انهيه ويلا عما , سير وخليه .

 مع من شفتك مع من شبهتك
 كن اسبع وكلني ,ولاتكون شي ذيب تشوهني .
 أميات تخميمة وتخميمة ولا ضربة بمقص.
اللي جبر احسن من لعسل يلعقو .
 النفس نفس سلطان ,والحالة حالة مسكين .
 السلطان بالتاج ويحتاج .
 لمحبة الزربانة مفر قة في نهار .
 دهن راسو بلعسل وخشاه في غار النمل .
 منين لحقت عليك أوجهي خبشوك لقطوط .
 لاتشكر لاتذم, حتى تجرب عام
 ايلا كان صديقك عسل ,لاتلعقوش كلو .
 اللي ضربتو إيدو ما يبكيش .
 حبني محبة خوك وحاسبني حساب عدوك .
 تغدا وتمدا وتعشا وتمشا .
 النواض بكري بالذهب مشري .
 الضر بالقنطار والراحة على راس ليبرا .
 باعد من لبلا ليبليك .
 سال لمجرب لاتسال الطبيب .
 لاعين شافت لاقلب وجع .
 الهذرا بين جوج وثالث خلاط .
 اللي ترهنو بيعو .واللي تخدمو طيعو.
 اللي خلص دينو شبع .
 على قد فراشك مد رجليك.
 قلت الشي تترشي .
 بحال الكسكاس ملي كيقوى رزقو كيغمضو عينيه .
 عند رخصو خلا نصو .
 الله يرحم من مات وخلا الميدة عامرة فتات .
 هود مساري واطلع شاري .
 الضحك تيفسخ البيع .
 نقطة نقطة يحمل الواد .
 الى شفتو المزلوط غادي زربان عرف مول لفلوس مسخرو.
 اللي ما عند و فلوس كلامو مسوس.

 زوق تبيــــــــــــــــــــــع.
 الله يجيب اللي يحسن بنا ,يعطينا بنتو , ويخدم علينا.
بحال مهراز دار الدباغ دك أنت دك أنا.
 مريقت جــــــــــارتي تتعجبني .
 عينيك ميزانـــــــــــــك .
 الحر بالغمزة والعبد بالدبزة .
 كيفيق بالندا إلي طاح .
 جوعي في كرشي وعنايتي في راسي .
الحجرة من ايد لحبيب تفاحة .
 اللي فاتك بليلة فاتك بحيلة . .
 ايلا فاتك لكلام, قل سمعت ويلا فاتك الطعام, قل شبعت. 
 مايبكلك غير شفرك وما يحكلك غير ظفرك .
 طاح الحك في الما واجبر غطاه تم .
 خوك في الصنعة عـــــــدوك .
 باش تمسح المزلوطة إلي توسخت ليها الفوطة .
 كل الشحيما وخلي لحيما .
 شبعها وخليها هايمة حتى تلقى الدايمة .
 كن ما السمسار ماتباع الدار .
 كن ما لكريدي مانمد أيدي .
 كن ماالبنكة مانطيح في العركة .
 الى بغيتها أتوالى لاتصاحب من والى .
 ملي سلا وارتاح عاد عجبو غربي لمراح.
خوك خوك لا يغرك صاحبك.

  الجرح يبرا وكلام العار ما يبرا.

  حاجة الخاطر كتسوى القناطر.

  حتى شبع صالح عاد قال طعامكم مالح.

حرف فالقلوب احسن من عشرة فالكتوب.

   خسارة المال و لا خسارة الرجال.

 

 

 

 

 

 

        Compteur Global gratuit sans inscription