بسم الله الرحمن الرحيم

موقع قبائل بني يزناسن يرحب بزواره الكرام

 

 

 

 الزجال ميمون عراس

                 

الـْمَرْجيـَّـه (1)

 

 

أو هــَـادي لــَـلا حـْـليمَــــة لـْـمَرجيَّــه
لـِّــي عاشَــــتْ فـْـلجْبـَــال لــْخـَـلـْويـَّــه
كانتْ كِـــمَا يَحكيــوْ بنيَّــــــه صغيــــرَه
عايشه مْعـَـــا بَّاهَــــــــا فــْــدْشيــــــرَه
خدمَـــــتْ سارْحَـــــة فــْـبَـكَـَــرْ بَابَاهَــا 
وعلـى ذيـك لـْحرفـه هـُـــــــو رَبَّاهَــــــا
كـَالـْهـَــــا سَّرْحـِــي وْحَـضـّـْـري لعْـقــَـل
ويَّــاك شـي بـكــْــــره منــَّـــــك تـَهْمــَــلْ
وبقـــَـاتْ تسـْـرَحْ صبـَــــــاحْ وعشيـَّــــه
وعنــْد باباهــا طايعــَــــــه مَرْضيـَـــــــه
وفــْصبْحيه هــْـرَبْ لهــَــا شِــي فـَــــــرْدْ 
وبقـــــات مــُـوراه تجـــري بَـجَّـهْــــــــدْ
وكـَبْضَاتـُــــو مـَــن تـَّـابـَـــع ديالــُــــــــو
أو زادت لـُو فــي هْيـَـاجـُــو وجْهالــُــــو
غـْـلـَـبْ عليهــا أو جَرْهـَـــــا مُـــــــــورَاه
أو طلبـْـتْ سـْـلاك مـــــن عنــْــــــــــد اللهْ
دخـــل هـَايَــجْ فــْـواحــــــــد جْبـَـــــــــــل
وغـَبــرَتْ معَــــــــاه وْهَمْلـَــتْ وهْـمــَـــلْ
وْدْرَك حسْهــُــــــــم سنيــِـــــــــنْ طــْـوَال
حتـَى قـْـريــبْ يـْـغـيــبُـو عـْـلـيـِـا مـَـلـبـالْ
صحـَــاب دَّوار حسبــُــــــوها مَاتــَـــــــتْ
كـَالـُـــو لـَبزيــــــزَه صافــــي ضاعـَـــــتْ
خرْجَـــــتْ فــْـنـْهَـارْ مْـوَاحَـــــــد لـْــــــوَاد
شارْفـــَـه شايْبــَـــــه حيـْـــــرَتْ لـَعْـبَـــــادْ
خــَــــلاَّتْ دَوَّارْ وْخرجـَـــــــتْ فــَـخـــّـــــرْ
سَـلــْـكـــتْ هـــــــيَ و لــْـفــَـــــرْدْ تـْــوَدَّرْ
كالـُــــو دوَّارهـَــــا فــْلــَبـْصَـــارَه كـَــــان
و فــْوْلاد لـْمنـْكـَــــار بَدْلــَـــتْ لـَمْـكــَـانْ
خرْجَـــتْ بَجْبـــل مــن واحَــــد لـْعيــــن
ماهـَـــا حلـُـــو صافـِــي بْيـــــض أوزيـنْ
وَلات مَــنْ أهـْـــــل صّـُوفيـَّـــــه
طاهــْرَه عابـْـدَه ويـكــُولــُــو وَليـَّــه 
فـْـمكـَــان خـَـلـْـوَتـْهَـا بْـنـَـــــاوْ مْقـَـــامْ
يْزوروهـَــــــا نــَّـاس عـْـلــَـــــــى دَّوَامْ
يـكـُولـُــــــو عندْهَــا كرامَـات كــْـثـَارْ
يزوروهـَــا نــَّــاس فـْـكـُـــــــلْ نـْـهـَـــارْ
خطــْــرَه خطـــــره يكـَّـرْمُوهــا بذبيحــه 
ينجـِّـــي دمْهـَــــــا مـْـكـُــــل قــْريحَـــــه
لقبَــــــــر ديالهَــا مَـاشـِــي معْــــروفْ
مَــا بيــن لـْعيـن وجْـبـل ثـَــمَّ مَتـْـلــُـوفْ
لحْـكايــه يَرويهـَــــا لـَعْـكـَايـَـز وشْـيُــوخْ
على مْـرَا شايْبـَـه ساكـْـنـه فــَـلـكـــوخْ
مْشـَـــــــاتْ علينــَــا ودَّات سَّـــــــــرْ
لكن مَا زال فكـْـلـُوبْـنــَـــا تـْـنـَـذكـَـــرْ


الزجـال ميمـون عـراس (11 أكتوبر 2011).
_____________
(1) عيـن تقـع قـرب مدينـة أحفيـر الحدوديـة.

 

 

           

 

تريد أن تضيف تعليقا

اضغط هنا

.........................................

 

 

 

 

 

 

 

الآراء الواردة في التعليقات تعبر عن آراء أصحابها وليس عن رأي المشرف على الموقع

 

 

 

                                              Compteur Global gratuit sans inscription