موقع قبائل بني يزناسن يرحب بزواره الكرام

 

 

                                                           

 

 

 18

................لمسيد...........

 


.لَمْسيدْ...

هَذي زمَانْ كانوا الْمَحَضْرَا
بَالبَلْغَة وَالجَّلَّابَة
بْحالْ الْگمْرَا
اللُّوحَة وَالصَّلْصالْ 
الِّلي بْغَا يَقْرَا
السْمَقْ ؤُلَقْلَمْ
زين النَّظْرَا
عَ لَحْصيرْ گالْسينْ
ؤُ عُودْ لَقماري
يْفُوحْ عِطْرَا
رَبِّي رَافَعْ شَانكُمْ
ؤُ زَادْهُمْ قَدْرَا
نْهَارْ لَرْبَعْ يَكَّرْمُو لَفْقيهْ
بيضاتْ وَ فْليساتْ
وَشْوِيَّة تَمْرَا
كَانْ لَمسيدْ جَنَّة خَضْرَا
فيهْ يَتْعَلْمُو الصْلَا والصَّوْمْ
الطَّاعَاتْ ؤُخيرْ لَذْكارْ
النَّاسْ كَيْقُولُو 
مِينْ هَذوكْ لَوريقاتْ لَمذَهْبَة
مَنْ ذيكْ الشَّجْرَا
فْقيهْنَا هُوَ راسْ مالْنَا
يَزعَفْ،يَضْرَبْ ولَّا يْعَضْ
مَيْرَدْشْ عْليهْ وَلْدْ لَمْرَا
هُوَ لينا أَحْسَنْ قُدْوَة 
وَأَجْمَلْ عِبْرَة
نْهَارْ نكَمُْلو السَّلْكَة
نَحْتَافْلُو فْ لَمْسيدْ ؤُ بَرَّا
يَا الطَّالَبْ زَوَّقْ لُوحْتي
خَيلِني نَرْفَعْ رَاسي 
راهْ مْعَاكُمْ تَحْلَا السَّهْرَا
رَبِّي شَرَّفْني بَ الْقُرْآنْ
بْنَالي فَالجَنَة قَصْرَا
قْراوْ نْتُوما الدَّمْيَاطي
خَلّيوْني نْعيشْ عيشَة الْحَضْرَا
نَتْمَتَّعْ بَ نْوَارْ الْقُرْآنْ
نَحْتْ ضَوْ الگمْرَا
وَخَّ تَقْرَا عْلُومْ الدَّنْيا كُلْها
بْلاَ قُرآنْ...
حْياتَك صَحْرَا قَفْرَا
محمد مهداوي

 

 

الأستاذ عبدالكريم :

قصيدة رائعة شكلا ومضمونا وصورة تختزل أ كثر من دلالة. ذكرتنا صديق دربي أستاذي مهداوي بفقيهنا رحمه الله بنهلال. الذي علمنا ابجديات الكتابة بالسمق والدواية واللوحة والصصال. كانت طفولة رائعة بجميع المقاييس حتى اننالم نجد أدنى صعوبة في الاندماج في المدرسة الابتدائية. تحياتي.
 

الأخ محمد موح:

رابط مفيد : المسيد، حصون في خدمة القرآن بالمغرب

الأخ كمال مسعودي:

Des paroles qui valent plus que l'or que dieu vous garde .

الأستاذ سعيد السعيدي:

كالمعتاد روعة وأناقة يارايس، مشوارك مكلل بالتوفيق إن شاء الله أخي محمد.

 

 

فضاء الزجل والشعر        

          

Compteur Global gratuit sans inscription