موقع قبائل بني يزناسن يرحب بزواره الكرام

 

 

                                                           

 

 

 27

 

شيخ الكَوّال

بقلم ذ. محمد مهداوي

                                                                                   


تاريخنا أصالتنا .....شيخ لگوال.

كانْ شيخْ لَگوالْ رجل رْزينْ مْقَدَّرْ
حَلْقْتُو مَدرَسَة كُلْها حِكَمْ وَعِبَرْ

الشِّيخ المَگانة ،وَجْدَة مزالْ عليك كَتَهْدَرْ
الساحَة بْلا بِك راها خاوية كَتْصَفَّرْ

ملِّي مْشاوْ ناسْ المَلحُونْ والذواقة
التينيساني واليُونسي كُلْشي خْسَرْ

وَلاَّ الغيوانْ غي تْصاورْ زوينة تَبْهَرْ
والكَلْمَة غي كوَّرْ وَعْطي ل لَعوَرْ

تصنَّتْ لْ مولْ الپاسبور ياطويلْ النْظَرْ
تعرفْ حقْ لَمِّيمَة الغاليةو مواجْ لَبْحَرْ

تَعرَفْ حَقْ الغُربَة لغريبة والرَّايْ لَمْوَدَّرْ
تبانْ ليكْ بْلادكْ المروك جَنَّة تَبْهَرْ

صَلِّيو صْلاة الجَنازَة على شْيُوخْ زْمانْ
راه السَّاحة بْلا بِهُمْ تَشكي بْ لَعذَرْ

غيوانْ اليومْ كُلُّو طْريفاتْ جْمَرْ
إِسَهروكْ اللِّيلْ وينَسِّوَكْ فْ لَفْجرْ

لا كْلام نْقي يْفيدَكْ لا حَكمَة تَشكرْ
اللِّي كانْ البارح شيبوبْ وَلاَّ اليُوم عَنْتَرْ

كلامْ ملَگَّطْ ،مْخَيَّطْ كي المَشكَرْ
النَّغمة هيَ هذيكْ ؤُ لَكلامْ مْوَدَّر
ْ

 

محمد مهداوي

 

 

 

فضاء الزجل والشعر        

          

Compteur Global gratuit sans inscription