موقع قبائل بني يزناسن يرحب بزواره الكرام

 

 

                                                           

 

4

الوصية الأخيرة

 

 

الوصية الأخيرة

شهرزاد يابنتي لعزيزة

 أنا كنحتضر سمعي مني اكليمة

 أعطني وذنيك واجوارحك كيما ديما

 العود يمكن يجفل إلى ما عندو اصريمه

 والعقل يمكن يغلط إلى ما عندو الجيمه

 جدودك شجعان حررو لبلاد

 سفوح،جبال أو واد واد

 كلمتهوم كانت قرطاسة كتلالي

زغرودة اصداها في الأعالي

 تحكي أمجاد أمة للقاصي والداني...

 بنتي شربيني اميهة بارده

 نعتق بها الروح الهامده

راني كنشوفك شمعة اعليله

 ونا باغيك اتكوني امرا اجليله

 لبسك لازم إكون لباس الحوريات

 وأخلاقك لازم اتكون ا بحال الصحابيات

 راه الحر ايخلي الحرة اخليفه

 والفاسد ما ايخلي غي الجيفه

 لكريم اكريم ولو انقس مالو

 واللئيم لئيم ولو اتحسن حالو

 بنتي،سكرات الموت جاتني اصعيبه

 والموت حق،والدنيا ولات عندي اغريبه

 أمك احليمة كتبان قدام عيني اقريبه

 ونا ذليل ما ابق عندي كراد ولا هيبه

 يا ربي تغفر لأمة محمد نبينا

أو تمنحنا الأمان فنهارنا وليالينا

 راه الليل سترة للظالم والمظلوم

 والنهار امرايا للغني والمكلوم

 أو لقبر دار لكل محروم

 تم يتساوى الغني والمعدوم

 يا نواحة متبكيوش على مماتي

 راه الدور غدا عندكم اتي

 الزوادة إلى كانت عامرة بالإيمان

 متبكي مايتبكاو عليك الجيران

 شهرزاد زغرتي راه شفت امك احليمه

في لباس ابيض حورية اكريمه

كتناديني ابصوت عالي

قرب يا راجلي ياراس مالي

 أنت بنتي قطعة من الكبدة اديالي

 لكن مقادر انبعد على احلالي

 الدنيا يا اخواتي لينا أوليكم غواية

امنين إجيك ملك الموت حامل المنايا

 اركع واسجد وشهد أو هز الرايه

 ما ابقات لا فيلا لا بطيمة لا شوايه

 

 

نفس القصيدة بالصوت والصورة : محمد مهداوي

 

 

1 - ذ. سعيد السعيدي

باسم الله الرحمان الرحيم
أنوه بالعمل الجبار والمشجع الذي أنجزه الأخ والصديق والرفبق الأستاذ الفذ محمد مهداوي وأتمنى له مزيدا من المثابرة في العمل.
كما أشكر الأخ عبدالحق مهدا وي الذي فتح أبواب المشاركة والإنتاج في جميع الميادين .

 

 

 

فضاء الزجل والشعر        

          

Compteur Global gratuit sans inscription